သပိတ်ကျင်းမြို့နယ်တွင် ကျေးရွာတွင်း ကွန်ကရစ်လမ်းခင်းခြင်းပြီးစီးမှု စစ်ဆေး
Date : 22 May 2021
သပိတ်ကျင်း မေ ၂၃ (ရတနာပုံ)
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ သပိတ်ကျင်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနအနေဖြင့် ၂၀၂၀-၂၀၂၁ခုဘဏ္ဍာနှစ်အတွင်း ကျေးလက်ဒေသဖွံ့ဖြိုးတိုးတက်ရေးလုပ်ငန်းစီမံကိန်း(VDP)ဖြင့် အကောင်အထည်ဖော်ဆောင်ရွက်သည့် မှတ်တော်မူကျေးရွာတွင် နိုင်ငံတော်ထောက်ပံ့ငွေ၊ ပြည်သူထည့်ဝင်ငွေများဖြင့် ရွာတွင်းကွန်ကရစ်လမ်းခင်းခြင်း (၉၆၀' x ၁၂' x ၆") နှုန်းပြည့် ဆောင်ရွက်ပြီးစီးမှုအခြေအနေအား (၂၁.၅.၂၀၂၁) ရက်နေ့၊ နံနက် (၁၀:၀၀) အချိန်တွင် မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးအောင်ကျော်ဆန်းနှင့် စီမံကိန်းတာဝန်ခံဝန်ထမ်းများ၊ တာဝန်ခံအင်ဂျင်နီယာများမှ ကွင်းဆင်းစစ်ဆေးကြည့်ရှုခဲ့ပြီး လိုအပ်သည်များအား ကျေးရွာကော်မတီဝင်များသို့ မှာကြားခဲ့ပါသည်။
ဖြိုးထက်အောင်(ပျော်ဘွယ်)
